Posibleng mag-atubang ug kasong administratibo ang tulo ka mga sundalo nga adunay ranggo’ng Private First Class ug sakop sa 26th IB Phil. Army, kinsa nag-viral sa dihang nabiktima sa bayaran nga mga babaye ug nakuha ang 24 mil pesos nga salapi human sa ilang paglipay-lipay ibabaw sa kama. Sigun ni LTC Romeo Giminea, battalion commander sa 26th IB Phil. Army nga gipaubos karon sa imbistigasyon ang tulo ka mga batan-ong sundalo ug hayan nga mapahamtangan ug silot kung makita nga adunay sayop sa ilang gibuhat.
Niya pa nga bawal alang sa mga sundalo ang mosulod sa balay kahilayan ug mag-inom diha sa Bar ug labaw nang bawal kung mo-pick up ug mga babaye.
Dugang sa opisyal nga gitugutan nila nga mag-inom ang mga sundalo sulod sa kampo aron ma-relax apan bawal ug anha na buhaton sa gawas.
Giklaru ni LTC Giminea nga pulos ulitawo ang tulo ka mga sundalo. Sent from my Samsung Galaxy smartphone.
