Mabini, Compostella- Tulo ka mga sundalo patay human mibangga ang motorsiklong ilang gisakyan sa gikasugat nga truck kagahapon sa kadlawon sa Mabini, Comval Province. Sumala sa report, ang mga biktima giila nga sila si CPL.Jerry Baris , PFC. Reynan Viray ug PFC. Renato Cabigas pulos membro sa 46th Phil.Army.
Matud sa imbestigasyon sa kapolisan sa Mabini, nagsakay ang mga biktima sa usa ka motorsiklo pabalik sa ilang headquarters gikan naglamay sa ilang kauban nga namatay apan sa paghiabot sa Barangay San Antonio kalit na lang sila migawas sa ilang lane ug misugat sa truck nga gimaneho ni Luderick Gambong, 39 anyos, minyo nga taga-Purok Sacuan, Caraga,Davao Oriental.
Gisulayan og likay sa truck ang maong motorsiklo apan naigo gihapon kini hinungdang gibagnos sa dalan ang mga biktima padulong sa poste sa kuryente nga miresulta usab sa pagkadamyos sa truck ug kamatayon sa tulo ka mga biktima.
Atol sa interview sa DXDC RMN Davao kang Mabini PNP Chief of Police, Police Senior Inspector Jesser Bagilidad, nakahiagom sab og minor injuries si Gambong atol sa maong insidente ug possible kining mag atubang og kasong reckless imprudence resulting in multiple homicide.
Kasamang Bernard Pantallon
