Malaybalay City, Bukidnon – Samdan ang tulo ka mga sundalo human nabuthan ug landmine, kagahapon.
Matud ni Cpt. Norman Tagros ang tigpamaba sa 403rd Infantry Brigade nga nahitabo ang paglandmine sa mao nga mga sundalo sa Brgy. Cawayan, lungsod sa Quezon, Bukidnon.
Sigun niini nga nahitabo kini samtang nagpahigayon ug Community Support Program ang mao nga sundalo sa mao nga dapit.
Tumong unta sa mao nga programa mao ang pagtabang sa katawhan ilabina ang mga anaa sa hilit nga mga lugar nga gitawag nila ug Conflict-affected Areas or Geographically Isolated and Depressed Areas (GIDAS).
Alayon niini hugot nga gikondena ni Tagros ang gihimo sa mga New Peoples Army kon NPA.
Nasayran nga dili pa lamang dugay gihimo ang send-off ceremony sa Community Support program sa mga lungsod sa San Fernando ug Impasug-ong ning probinsya. �
