General Santos City—sikop sa operatiba sa Police Station 4 ang 3 ka mga personahe apil na ang usa ka minor de edad human nga nakuhaan ug shabu ug marijuana sa gihimong Oplan Sita sa may Corner Mabuhay Nuñez Street, Barangay San Isidro Gensan alas 10:00 ang takna sa gabie niadtong Sabado.
Suspek giilang silang si Carl Angelo Arabutan, 18, sikad driver, Sheilla Mae Bag-ao Yee, 18, ug alias Micheal, 16, tulos residenti sa Loning-ning St., Barangay San Isidro, Gensan.
Nasayran nga nagpahigayon ug oplan sita ang kapulisan nga sakop sa Barangay San Isidro dihang ilang nakit-an ang mga nahisgutan nga dawsa kadudahan ug nilihukan. Ilang gisita ang mga suspek apan kalit nga mipatoratoy sa pagpadagan sa iyang traysikad si Arabutan mao nga gigukod sa kapulisan.
Nakorver kini sa may Nuñez street, Barangay San Isidro. Dihang gikapkapan ang mga nasangpit nakuhaan ug shabu ingon man marijuana ang mga suspek.
Tungod niini gibalhog ang duruha ka mga hantong sa silda sa San Isidro Police Station, samtang giturn-over ngadto sa CSWD ang minor de edad nga si Micheal. Kasong kalapasan sa RA 9165 ang gikatakdang atubangon sa mga dinakpan human nakuhaan ug iligal nga droga.
