Pakyas nga makasulod ang grupo sa mga raliyesta sa munisipyo sa lungsod sa San Fernando, Bukidnon kagahapong adlawa.
Kini human nga gibabagan sa mga pulis ang mukabat sa 3,000 kapin kon kulang ka mga mag-uuma nga gikan sa nagkadaiyang barangay sa mao nga lungsod.
Sa interview sa RMN ngadto kang Wilboy Lay-on ang Bukidnon Chairman sa Moverment Against Tyranny gibutyag niini nga tumong sa ilang pagrally unta nga ipanawagan ang pagpagawas sa pondo sa calamity fund.
Disyamado usab sila sa tungod sa pagbabag sa mga kapulisan ug kasundaluhan sa ilang grupo ug ang wala pag-atubang ni San Fernando Mayor Levi Edma ngadto kanila.
Matud ni Lay-on nga ana matud pa sa 6-mil ka pamilya sa Poblacion area sa mao nga lungsod ang apektado sa hulaw.
Samtang sa interview sa RMN Malaybalay ngadto kang San Fernando Mayor Levi Edma, gibutyag niini nga dakong rally ang himoon sa maong grupo kung wala nila kini nabantayi.
Sigun ni Mayor Edma nga posibleng diversion tactics kini sa pikas grupo tungod kay nakasinati na ug gutom ang mga NPA.
Nagtoo usab ang Mayor nga lusob-munisipyo ang tuyo sa maong mga raliyesta.
Nidepensa usab si Edma nga dili siya pwedeng makapagawas diha-diha sa calamity fund nga gipangayo sa mao nga grupo tungod kay kinahanglan pa kini nga aprubahan sa Sanguniang Bayan ug kung adunay basehan sa pagdeklara niini.
