Sa interview sa RMN Malaybalay ngadto kang PMaj. Joan Navarro, PNP-10 Spokesperson, gibutyag niya nga ang maong programa kabahin sa 5-focused agenda sa PNP Chief nga si Gen. Benjamin Acorda Jr. nga mao ang Information and Communication Technology Development.
Dinhi sumala pa gamiton ang teknolohiya sa paspas nga pagsulbad ug pagpugong sa mga krimen.
Ang 3-minute response time posible sumala pa ilabi na sa mga highly urbanized areas sama sa Cagayan De Oro kung asa di na mulapas sa 3-5 minutes ang response time sa kapulisan.
Apan matud pa pinaagi sa mga ICT materials, ilabi na paggamit sa mga Closed-Circuit Televisions (CCTVs), Drones, ug uban pa, mas mapapas-pas ang pagrespondi sa krimen sa tibook nasud sa Pilipinas.
Dungan usab sa gipahigayon nga Anti-Criminality Committee Meeting kauban ang ubang mga ahensya sama sa PDEA, PNP, ug uban pa, miduso og proposal ang kapulisan kabahin sa pagtukod og Regional Command Center.
Dinhi matud pa ni Maj. Navarro mas ma-monitor ug mapa-intensify ang mga police operations ilabi na sa tabang sa mga nagkadaiyang lokal nga pangagamhanan nga makahatag og dugang pondo isip suporta aron nga mapugngan ug marespondihan ang mga krimen nga posibleng mahitabo sa mga komunidad.
