General Santos City—3 ang patay human misukol sa kapulisan nga sakop sa Regional Anti-Street Crime Task Group atol sa gihimo nilang Search Operation sa Barangay Koronadal Proper, Polomolok kaadlawon kaganinang buntag.
Ang mga nakabsan giilang silang si Muja Adam, Allan Ewa, ug Saddam Macabangin Pulos miyembro sa Moro Islamic, Liberation Front (MILF) ug residenti sa nasampit nga lugar.
Sumala ni Police Chief Inspector Lorenzo Henares, OIC Chief sa Regional Anti-Street Crime Task Group nga takna unta nilang i-serve ang 13 ka mga search warrant batok sa 9 nila ka mga target apan sila gipabuthan sa mga suspek.
Mibalos matud pa ang kapulisan nga miresulta sa kamatayon sa 3 ka mga suspetsado. Nasayran nga target unta sa kapulisan nga sutaon ang mga report nga dunay gihuptang armas ug eksplosibo sa panimalay sa siyam nila ka mga target apan misukol ang mga nahisgutan.
nagnegatibo usab sa pusil ug eksplosibo ang uban pang target sa ronda sa kapulisan. samtang Narekober gikan sa posisyon sa mga suspetsadong misukol ang managlahing matang sa armas.
