General Santos City—Sikop sa operatiba sa PDEA-12 ang 3 ka mga suspetsadong lambigit sa iligal nga droga atol sa managlahing operasyon nga gihimo dinhi sa Gensan ug Malungon, Sarangani Province.
Ala 1:10 sa hapon unang gipahigayon ang buybust operation sa may Silway Fatima, Brgy. Dadiangas West, Gensan batok kang Mohammad Catil, 28 anyos, minyo, laborer ug Jenifer Lozada, 20 years old, minyo, parehong miyembro sa SOGIS Drug Group ug residenti sa maong lugar.
Nakuha sa posisyon sa mga nahisgutan ug 0.5 grams sa gituohang shabu ug Marked money nga P500.00.
Samtang alas 5:45 ang takna sa hapon gisikop sa tropa sa PDEA-12 uban ang Malungon MPS ug Sarangani PDEU/PIB didto sa Prk. Pag–asa, Brgy. Nagpan, Malungon, Sarangani Province ang suspek nga si Florepis Lozada, 48, businesswoman ug residenti sa maong lugar human kining nakuhaan 0.1 gram sa gituohang shabu ug P500.00 nga Marked Money.
Ang nahisgutan miyembro gihapon sa SOGIS Drug Group nga naglihukan dinhi sa General Santos City, South Cotabato ug North Cotabato.
Ang mga suspek gikatakdang padakaan ug kasong violation of Section 5 (Sale of Illegal Drugs) ug Section 11 (Possession of Illegal Drugs), Article II of RA 9165 (The Comprehensive Dangerous Drugs Act of 2002).
