3 na ka inmates nga nakagawas tungod sa GCTA Law, nisurender sa CIDG Bukidnon

136

Anaa na sa tulo ka mga kanhi inmates sa probinsya sa Bukidnon nga nakagawas tungod sa Good Conduct Time Allowance kon GCTA Law ang ni-surender sa Criminal Investigation and Detection Group (CIDG-Bukidnon).

Sa interview sa RMN Malaybalay ngadto kang Police Major Edgardo Bernardo, ang provincial officer sa CIDG Bukidnon gibutyag niini nga unang boluntaryong nitahan ang usa ka Larry Canunay y Sawayan, nga taga P-10, Puerta, Barangay Lurogan dakbayan sa Valencia kaniadtong Biyernes sa gabie.


Nasayran nga si Canunay nasilutan sa RTC Branch 9 gumikan sa kasong rape ug sa RTC Branch 10 tungod sa kasong arson kaniadtong March 22, 1991 ug naka-detine sa Davao Prison and Penal Farm, Davao Del Norte sa wala pa nakagawas kaniadtong March 22 ning tuiga human naka-avail sa GCTA Law.

Dugang pa ni Major Bernardo nga laing duha usab nga heinous crimes convicts nga nakagawas tungod sa GCTA Law ang nitahan sa ilaha alas 2:55 sa hapon kagahapong adlawa.

Ang duha ka surrenderee nailang sila si Nemeio Bacalso ug Juan Bacalso nga pulos taga Purok 6, Barangay Baroy, Kadingilan, Bukidnon.

Nitahan sila human ang gihimong pagbisita sa CIDG Bukidnon, HPG ug Kadingilan-PNP sa ilang balay kagahapong adlawa nga nagresulta sa ilang pagboluntaryong pagtahan.

Ang duha nakagawas ilawom sa GCTA kaniadtong April 17 ning tuiga. Nakonbikto kini tungod s kasong murder ug nabilanggao sa Davao Prison and Penal Farm.

Matud pa ni Major Bernardo nga maayo usab ang response sa maong mga surrenderees human ilang gibisitahan sa ilang panimalay.

Nakitang problema lang ni Bernardo nga adunay pipila nga nakapahimulos sa GCTA ang wala nakabalo sa sitwasyon sa ilang kaso.

Facebook Comments

From Advertisers