Mga cruising sites ukon lugar kun sa diin nagapakighilawas ang mga kabataan gintumod sang FPOP

SYUDAD sang Iloilo – Ginbuyagyag sang Family Planning Organization of the Philippines ukon FPOP nga may mga cruising sites sa palibot sang syudad.

Ang cruising sites amo ang mga lugar kun sa diin nagapakighilawas ang mga couples ilabi na ang mga minors kag kalalakihan.

Gintumod ni Monalisa Diones, Project Manager sang FPOP Iloilo ang hilamunon nga bahin sang isa ka subdivision sa Nabitasan Lapaz, sa mga tulay, patyo kag pati na sa mga bakhawan ukon mangroves sa pangpang sang Iloilo river.


Paathag ni Diones ini ang ginahimo nga lugar agud pakighilawasan sang mga agi kag minors nga mga lalaki bangud hugot nga ginadumilian ang pagsulod sang mga minors sa motels, lodging houses kag hotels.

Maluwas sini nasaw-ahan man suno sa iya ang mga tawo nga magtulok sang duha ka lalaki nga nagasulod sa lodging house ukon motel.//via Joel Franco reports

Facebook Comments