General Santos City— Tulo ang naitalang patay sa han-ay sa rebeldeng New People’s Army kon NPA human ang natigayong engkwentro tali sa militar sakop sa 19th Infantry Batallion.
Sumala kang 1st. Lt. Terte ingente, tigpamaba sa 4th Infantry Division Phil. Army nga natigayon ang maong engkwentro alas 6 pasado ang takna sa buntag sa brgy. Don Panaka, Magpet, North Cotabato.
Milungtad matud pa ug usa ka oras ang maong engkwentro kung asa narekober ang usa ka Caliber 22 ug tulo ka patay’ng lawas nga nagpabiling wala pay ilhanan.
Dugang pamahayag nilt. Ingente nga natigayon ang maong engkwentro human miresponde ang mga residnete salugar gumikan sa presensya sa mga armado.
Basi sa report gikan sa 19th IB, dili matud pa muubos sa 50 ka mga armado ang ilahang naka-engkwentro. Dako man usab ang iyahang pagpasalamat sa pagpakabana sa mga residente sa lugar. Pagpaklaro niya nga walay naitalang samdan sa han-ay sa tropa sa gobyerno.
