Human misurender si Maasim Mayor Jojo Lopez ngadto sa PDEA 12, og sa malampusong drug operation ngadto sa panimalay sa Mayor sa Maasim kaniadtong milabayng adlawng Byernes sa kaadlawon.
Gikumperma karon ni PDEA National Director Police Chief Supt. Aaron Aquino nga may lain pang 3 ka mga Mayores sa tibuok region 12 ang sunod nilang targeton sa operasyon kontra iligal nga droga.
Dugang pa ni Aquino nga halapad matud pa ang operasyon sa ginadiling droga nga gikalambigitan ni Mayor Jojo Lopez kung asa ka transaksiyon pa niini ang mga big time drug pusher sa nagkalain laing mga Probinsiya sa Pilipinas sama nilang Albuera Mayor Espinosa, nga napatay sa operasyon og si Ozamis Mayor Parojinog nga napatay usab sa drug operation og ingon man ang drug convicted nga si Culangcos nga naka priso karon sa New Bilibid.
Kini subay sa nakuhang green book sa panimalay ni Mayor Jojo Lopez. Wala una gihinganlan karon ni Director Aquino kung si kinsa kinsa kining tulo ka Mayor og taga asa, tungod ginaproseso pa nila ang tanang mga kinahanglanong mga dokumento.
Si Lopez matud pa ang gikunsiderang drug Lord sa Sarangani Province, samtang si Michelle Aliaga ang gikunsiderang drug Lord sa Gensan, og si Balong Espinosa usab ang gikunsiderang drug Lord sa South Cotabato nga parihong nasikop na sa operasyon kontra droga. (Emir Bariquit)
