Duha ka pasyente sa usa ka drug rehabilitation center sa Cansojong Talisay ang napatay sa kauban ra usab nila nga pasyente pasado alas dose kaganinang tungang gabii.
Ang duha gipangtigbas gamit ang kutsilyo nga pangtadtad sa karne sa suspek nga si Archie Abastillas samtang nangatug ang mga biktima .
Unang gitigbas ni Abastillas ang na-angol nga si Lyndon Cartizo apan kini nakadagan ug mao na lay iyang nasayran nga ang duha ka lain nilang kauban nga sila si Tomas Toong Woodruff nga taga Argao ug Irvin Ian Inilo nga taga Punta Princesa mao na usab ang gipangtigbas ni Abastillas.
Human niini si Abastillas nihiwa usab sa iyang pulso gamit ang butcher`s knife nga maoy gikamatay niini .
Sa imbistigasyon sa kapolisan sa Talisay, nasayran nga gikalalis pa kagabii sa suspek ang tulo ka mga biktima ug posibling panimawos ang iyang gihimo .
Gisusi karon sa kapolisan kung nganong nakakuha ug kutsilyo ang suspek nga gigamit niya sa pagpatay sa mga biktima ug paghikog usab niini .
