Davao City – Tulo patay samtang kapin baynte ang samaran sa nahitabong aksidente sa Sitio Lukasan, Barangay Malibago, Cateel, Davao Oriental bandang alas 6 kaganinang buntag.
Sa report sa Police Regional Office kun PRO XI, giila sa Cateel Municipal Police Station ang usa sa mga na dead on the spot nga mao si Miong Alcos kanhi Barangay Captain, 79 anyos, patay usab ang giilang si Lilibeth Alcos, 56 anyos ug ang lalaking helper sa truck nga wala pa mailhi.
Sa imbestigasyon sa kapulisan, adunay sakay ang nga kapin kun kulang 30 ka mga pasahero ang maong sakyanan samtang ang wala mailhang driver daling misibat human ang insidente.
Matud pa nga samtang naglawig sila gikan sa Barangay Ngan, Compostela Valley padulong sa San Victor Island Baganga pag abot sa Sitio Lukasan, Barangay Malibago, Cateel, Davao Oriental, nakasinati matud pa og brake malfunction hinungdan nga nahulog kini sa pangpang resulta sa pagkamatay sa 3 ug pagkaangol sa kapin 20 ka mga pasahero.
Padayon ang imbestisyon sa kapulisan bahin sa maong insidente ug ginapangita na usab karon ang driver sa truck nga misibat human sa aksidente.
RadyoMaN Renz Barbarona
