Giingong gahimo og peke nga ID giaresto

44

Davao City – Kasong Falsification of Public Documents ug Violation sa City Ordinance 0334-12 Sec. 163 ang mamahimong atubangon sa nadakpang giingong tighimo og peke nga PUV Driver’s ID.

Giila ang naaresto nga si Virgilio Libawan, 56 anyos, membro sa Lupong Tagapamaya sa Phase 1 Batolusa, Bankas, Toril, Davao City.

Nadakpan si Libawan atol sa Joint entrapment operation sa City Transport and Traffic Management Office (CTTMO), National Bureau of Investigation ug Anti-Scam Unit diin nakuha kaniya ang mga giimprentang peke nga mga PUV ID.

Niesplekar si Libawan nga igo lamang siyang nidawat human nga naay nagpatabang sa iya nga drayber aron muhimo og ID og iya ra kining gipasa sa usa ka fixer.

Nangayo kini’g pasaylo ug giangkon usab niini nga aduna siyay nahimong sayop.

Gipatawag usab ni CTTMO head Dionisio Abude ang usa ka PUJ Driver nga si Samuel Sison diin ang QR code niini ang gigamit nga sunduganan sa gihimong peke nga ID.

Matud ni Abude dili sila magpanoko nga pangdakpon ang mga drayber pati na ang gahimo og peke nga PUV ID ug magatubang gyod kini’g tukmang silot.

RadyoMaN Aimee Guinita

Facebook Comments