Tulo ang namatay sa duha ka managlahi nga insidente sa pagpamusil sa dakbayan sa Sugbu ug Mandaue kagabii .
Unang gipusil –patay alas 8:00 kagabii ang sikyu nga si Wilfredo Saraña , 47 anyos sa Barangay Lahug sa dakbayan sa Sugbu .
Si Saraña naigo sa wala og toong abaga hinungdan sa pagkamatay niini , samtang padayong giimbistigar sa kapolisan ang motibo sa pagpusil sa biktima .
Samtang sa dakbayan sa Mandaue , duha ka lalaki ang gipamusil ug namatay pasado alas 11:00 kagabii sa Barangay Guizo .
Ang mga biktima gipusil sa tulo ka lalaki nga nagmotorsiklo sud sa Cebu International Convention Center (CICC) .
Nailhan ang mga biktima nga sila si Ropil Norvaso ug Ricky Andijar nga pulos taga Barangay Binaliw sa dakbayan sa Sugbu .
Ang duha gikan sa sulod sa CICC ug sa paggawas nila , gipamusil dayon kini sa mga suspetsado.
Si Andijar nakadagan pa unta paingon sa Guizo Barangay Hall apan gigukod sa mga suspek ug didto na nahagba sa maong dapit .
Si PO3 David Umambac sa Station 1 sa Mandaue City Police Station nibutyag nga nagpadayon ang ilang imbistigasyon sa maong hitabo.
