General Santos City—Sikop ang usa ka lalaking misuway ug palusot ug sinakong uling sa area sa Purok Lower Bayan, Barangay Maribulan, Alabel, Sarangani Province niadtong nakalabayng adlaw.
Giila ang dinakpan nga si Rommel Taran, 38, residenti sa Barangay City Heights, Gensan.
Una nang nakadawat ug report ang Alabel Municipal Police Station nga matud pa dunay sinakong uling nga gikarga sa usa ka topdown kansa gikatakdang dad-on sa Gensan.
Gilayong girespondihan sa kapulisan ang report ug didto nadakpan dayon si taran human nga nagpositibo ang report.
Nasayran nga mukabat sa 15 ka sakong uling ang nakumpiska sa kapulisan apil na ang topdown sa nasangpit. Sa kinatibuk-an mukantidad ug P2,500.00 ang uling nga nakumpiska sa kapulisan gikan kang taran.
