Davao City – 3 patay samtang lima ang samaran sa nahitabong bangga sa Cogon-Kapatagan Provincial Road Binaton, Digos City kagahapong adlawa, Abril 8 alas 10 sa buntag.
Sa report gikan sa Police Regional Office kun PRO XI, duha ka sakyanan ang nalambigit sa maong bangga diin mao kini ang usa ka Kawasaki barako nga gipanag-iyahan ni Paul Angeles Panes, 27 anyos, minyo ug residente sa Kapatagan ug usa ka Honda Fit nga gidryban ni Jose Gapol Bayona, 37 anyos, residente sa Cotabato City.
Sa inisyal nga imbestigasyon, nawad-an matud pa og control ang driver sa Honda fit tungod sa brake malfunctioned ug mibangga sa laing sakyanan resulta sa pagkamatay sa mga pasaherong sakay sa Kawasaki barako nga sila Helen Langa Mendoza, 54 anyos ug Julito Rolloque Garrido, 55 anyos, pulos residente sa Digos City samtang dead on arrival ang driver sa Kawasaki Barako nga si Panes.
Daling gidala ug gitambalan usab sa balay-tambalanan ang laing lima ka mga samaran sa maong aksidente.
Padayon ang ginahimong imbestigasyon sa kapulisan sa panghitabo.
RadyoMaN Renz Barbarona
