Duha ka retiradong pulis ang uwahing nabiktima sa pagpamusil kagabii, Nobyembre 25 sa gawas nga bahin sa usa ka mall sa Barangay Bulacao dakbayan sa Talisay .
Ang mga biktima mao sila si retired SPO1 Edgar Causon ,51 ug SPO4 Ferdinand Navales 54 anyos ang panuigon.
Gikan nga nagkape-kape ang duha ug nag-inangkasay aron padung na untang mobiya sa maong lugar.
Apan wa pa gani sila makalayo ,usa ka lalaki ang nidool kanila ug namusil ngadto sa mga biktima .
Samtang kagahapon sa pasado alas 2:00 sa kadlawon gipusil usab sa riding in tandem ang jail guard sa Provincial Detention and Rehablitation Center kon CPDRC nga si Jessie Castañares sa Limkakeng ug Happy Valley sa Barangay Guadalupe .
Padayong giimbistigar sa kapolisan ang motibo sa managlahi nga insidente sa pagpamusil .
