Tulo ka mga gidudahang drug personality ang namatay samtang adunay kapin sa 70 nga nadakpan sa ikaduhang one time, bigtime operation sa kapolisan sa lain –laing lugar sa Sugbu .
Lakip sa nadakpan mao ang usa ka babaye nga buntis , samtang niabot usab ug kapin sa P2 milyones ang balor sa shabu nga nasakmit .
Ang mga napatay human nisukol sa kapolisan mao sila si Parolito Obrero nga taga Talisay City ; Eugene Fermin sa Umapad Mandaue City ug Philjon Ediza nga taga Moalboal .
Matud ni Police Regional Office -7 Director , Chief Supt. Debold Sinas armado ang tulo ka suspek ug nakompiska ang ilang mga armas atol sa operasyon.
Facebook Comments
