Natala sa Provincial Health Office kon PHO Bukidnon nga aduna nay tulo ka patay tungod sa tipdas sa probinsya.
Sa interview sa RMN Malaybalay ngadto kang Dr. Ricardo Reyes ang provincial health Officer gibutyag niini nga tulo ka mga bata na ang namatay tungod sa komplikasyon sa tipdas karong tuiga lamang.
Matud ni Dr. Reyes nga aduna nay kaso sa tipdas dinhi sa Bukidnon. Base sa ilang record adunay 115 ka suspected measles sa bulan sa Enero ning tuiga samtang 147 ka suspected measles sa bulan sa Pebrero.
Sa gipadalang dugo sa Manila aron ipailawom sa test kon kini ba tipdas o dili, nigawas nga 8 ang kumpirmadong tipdas.
Nakita usab nga 82 ka kaso sa suspected measles anaa sa pangidaron nga 1 ka tuig pa ubos samtang 67 ka kaso anaa sa 1 hangtod 5 anyos.
