3 Police Corporal nga nagmolestiya sa batan-on, dili i-tolerate sa Davao Occidental Police Prov’l Director

Davao City – Dili i-tolerate ni Davao Occidental Provincial Police Office (DOPPO) Provincial Director Police Coronel Epe Rillo, ang tulo niya ka sakop sa Provincial Mobile Force Company (PMFC), ang tulo ka pulis nga giingong nagbutang og sinamak kon suka nga may sili sa kinatawo sa 16 anyos nga batan-ong Lalaki sa Don Marcelino, Davao Occidental, niadtong Hunyo 16, 2023.

Giingon ni Rillo, dili niya i-tolerate ang sayop nga binuhatan sa tulo ka sakop sa Mobile Force Company ug gilayon gitanggal kini sa Barangay Pamungot Detachment ug kasamtangang anaa na sa restricted custody sa Provincial Police Office (PPO), human gipasakaan sa kasong kriminal sa Don Marcelino Municipal Police Station.

Segun ni Rillo, gawas sa kasong kriminal, mag-atubang usab og administrabo ang tulo ka Corporal kinsa nangulipas sa pasangil nga ilang gibutangan og suka nga haling ang kinatawo sa batan-on ug ang Provincial Command dili mohatag og legal assistance sa tulo nagpasabot nga sila maoy mangita og abogado aron modepensa kanila sa kaso sa korte.

Dugang pa sa Opisyal, nadamay usab sa pagkatanggal ang entero platoon sa Detachment lakip na ang Detachment Commander, kinsa gibalhin na sa 2nd Provincial Mobile Force Company karon.

RadyoMaN Joel Viray