Davao City – Andam nga mo-isyu og special permit ang Land Transportation Franchising and Regulatory Board (LTFRB) sa mga probinsya sa Davao region isip rekisitos aron makabiyahe na padulong og paggawas dinhi sa syudad sa Davao.
Sa interbyu sa DXDC RMN Davao kang LTFRB-XI Regional Director Atty. Armand Dioso, gibutyag niini nga aduna na silay koordinasyon sa Davao Oriental, Davao de Oro ug Davao del Norte sa pag isyu og special permit ug aron makabiyahe na oras nga aduna na say ‘go signal’ gikan sa ilang lokal nga panggamhanan.
“Ang tulo ka probinya sa Davao region – Davao Oriental, Davao de Oro ug Davao del Norte, mag isyu mi’g special permit sa ilaha aron makabiyahe na sila ug didto sa oras nga mo-permit na, mo-allow na gyud ang kadtong mga LGUs nga mupadagan na sila sa mga bus,” saysay ni Dioso.
Gitataw ni Dioso nga mamahimo na’ng makabiyahe ‘anytime’ ang mga provincial buses oras nga mutugot na ang ilang local government ingon man ang pagbaton niini’g special permit.
RadyoMaN Kirby Manzon
