Davao City – Gi-relieved sa pwesto ang tulo ka mga pulis kinsa giingong nag-inom sulod sa usa ka establisyemento kagabie.
Sa eksklusibong pakighinabi sa RMN Davao kang Regional Internal Affairs Service XI Regional Director PCSupt. Jose Carumba gikumpirma niini nga pulos mga sakop kini sa RIAS XI.
“Nakausap ko iyong manager ng Shakeys, confirmed na nag-order sila ng beer in can with pizza as pulutan. Ang hindi lang maganda doon naka-uniform eh sabi ni President bawal ang pulis at sundalo na uminom in public place. Pina-relieved ko na, may gagawing administrative investigation against sa kanila for conduct unbecoming of a police officer,” segun ni Carumba.
Giila ni Carumba ang tulo nga mao sila PSUPT. Danilo Pallado, PInsp. Viernes ug SPO2 Duro kinsa sakop sa Investigation and Intelligence Division.
Gikadismaya ni Carumba ang nahimong kalapasan sa maong mga pulis ug mamahimo usab kining ground for dismissal.
Gibutyag niini nga kasong administratibo ang atubangon sa mga nasangpit nga mga opisyales.
Gisulayan pa og kuha sa RMN Davao ang side sa mga pulis kinsa giingong involved sa maong insidente.
Kahinumduman nga gimanduan ni Presidente Rodrigo Duterte ang kasundaluhan ug kapulisan atol sa speech niini sa Barangay Summit on Peace and Order sa Cuneta Astrodome sa Pasay City niadtong Enero 8 nga dili mag-inom sa mga pampublikong lugar aron dili kini malambigit sa kagubot.
RadyoMaN Aimee Guinita
