Davao City – Kasamtangang gipailawom sa adjudication sa national headquarters sa Philippine National Police (PNP) sa kampo Crame ang tulo ka mga police sa Davao Region kinsa nahilakip sa 357 ka mga pulis sa drug watch list ni President Rodrigo Duterte.
Wala gibutyag ni PRO XI Regional Director Police Brigadier General Filmore Escobal ang maong mga pulis apan sumala niini usa ka Police Major ug duha ka mga Police Non-Commissioned Officers kini nga nadestino sa Davao del Norte PNP.
Human sa himuong adjudication magpagula na og hukom si Police Director General Archie Gamboa ngadto sa mga pulis.
“Wala man nagpasabot nga kato sila involved gyod sila, ang katong listahan gi-submit for adjudication para mahibaw-an kung unsa katinuod ang ilahang involvement, unya pag mapamatud-an nga dili man pod sila involve ma-clear ang ilahang rekord,”
Segun ni Escobal, magpadayon usab ang ilahang ikasang pagmonitor sa lain pang mga pulis kinsa nareport na kaniadto ug ipailawom kini sa surprise drug test.
RadyoMaN Aimee Guinita
