3 sa bawat 5 Pinoy, naniniwalang hindi dapat harangin ang imbestigasyon ng int’l groups sa giyera kontra droga

Naniniwala ang tatlo sa bawat limang Pilipino na hindi dapat harangin ng gobyerno ang international groups na mag-iimbestiga sa mga pagpatay sa ilalim ng giyera kontra ilegal na droga.

Base sa survey ng Social Weather Stations (SWS), 60% ang sang-ayon sa pag-iimbestiga ng international groups gaya ng United Nations sa mga umano’y pinatay na drug suspects dahil nanlaban.

Nasa 15% naman ang hindi pabor habang 25% ang undecided.


Katumbas ito ng +50 net agreement o “extremely strong” sa Mindanao.

“Very strong” net scores naman ang nakuha sa Metro Manila (+43), balance Luzon (+45) at Visayas (+42).

“Very strong” din ang nakuhang net agreement sa lahat ng socioeconomic classes.

Ang survey ay isinagawa mula June 22 hanggang 26 sa 1,200 respondents.

Facebook Comments