South Cotabato —3 sikop, samtang 3 nakasibat sa gihimong sunod-sunod nga drug buy-bust operation sa area of responsibility sa Polomolok PNP inabagan sa PDEA Region-12 gikan niadtong Hunyo 1 hangtud na sa Hunyo 2.
Sa drug buy-bust operation nga gipahigayon niadtong Hunyo 1 sa Ilang-Ilang Street, Barangay Poblacion, nakasibat ang suspek na si Jerwen Dante, residente sa maong lugar human nakapatikod nga pulis ang iyang ka-transaksiyon .
Nakasibat sab si Sandy Arostique, 33, sa gihimong buy bust sa Purok 3, Crossing Palkan, alas-9 sa gabie human niining gipabuthan ang mga police.
Samtang sa drug-buy bust operation nga gipahigayon, tungang gabie niadtong Hunyo 1 sa Purok Balabat, Poblacion mal;ampusong nasakpan ang usa ka Nelson Quizon Barinque, 33, residenti sa maong lugar..
Laing operasyon ang gipahigayon sa Purok Malinawon, Poblacion kung asa nakasibat ang target sa operasyon nga si Bryan Yatan nga residente sa Docci Village, Poblacion samtang nasikop usab ang kaubanan niining si Jeffrey Sotto.
Kaadlawon niadtong Hunyo 2, dihang dakpan sa drug buy-bust ang usa ka Samuel Ubando Manipon, 48, ug residente sa Purok Manatad, barangay Poblacion.
Sa kasamtangan gipasakaan na ug kaso sa Polomolok PNP ang mga nasampit partikular na ang kalapasan sa Republic Act 9165 o Dangerous Drugs Act of 2002 ang tulo ka mga suspetsado human silang napalitan ug gituohang shabu.
