General santos City–Malampsuong nasikop sa Police Station 3 ang tulo ka mga indibidwal sa ilahang gipahigayon nga sunod-sunod nga buybust operation kagahapong adlawa kung diin usa dinhi ang trabahante sa gobyerno nag sumala pa source sa unang duha ka mga dinakpan.
Sumala pa ni P/Major Benhur Catcatan ang labaw sa Police Station 3 nga una nilang nasikop ang usa ka Al-Aviv Maulana Ambia Alyas Aviv , 22 anyos, usa ka tricycle driver ug nanimuyo sa Prk. La Consulacion Barangay Apopong kung asa nasikop kini alas 2:45 ang takna sa buntag sa Leon Llido Street, Barangay Lagao human napalitan ug usa ka sachet sa shabu.
Samtang gitug-an man usab sa nahisgutang suspect ang iyahang source nga gipahigayunan ug follow up operation sa kapulisan kung asa malampuson kini nga nasikop.
Giila ang suspect nga si Francis Lazibal, 37 anyos nga nanimuyo sa barangay Labangal kung asa nasikop kini ala 1:50 ang takna sa Tiongson St. atubangan sa Lagao Gym ug napalitan ug usa ka sachet sa shabu nga nagkantidad ug 2mil ka pesos.
Gisumbong man usab sa suspect ang iyahang source kung asa sunod nga nasikop sa kapulisan.
Giila ang source sa nasangpit nga si Adonis Abril Sanz alyas Don hamtung ang panuigon, usa matud pa ka trabahante sa gobyerno isip liason ug driver sa mayors office. Nasakop ang suspect alas 3:20 ang takna sa hapon.
Sa karon gihan-ay na sa kapulisan ang kasong kalapasan sa RA 9165 batok sa mga dinakpan. (Dave Silagan)
