General Santos City–Kasong kalapasan sa RA 9165 ang gipasang-at sa Police Station 7 sa pagpanguna ni Police Major Helbroune Okorin batok ngadto sa tulo ka mga suspetsadong una nang nadakpan sa sunod-sunod nga buy-bust operation sa ilang tropa niadtong nakalabayng adlaw.
Matud ni Police Major Okorin nga unang nasikop si Denver Albodivar, 24 anyos alas 3:00 sa hapon, sunod nga nadakpan si Edrian Repollo alas 5:20 samtang alas 6:00 ang takna sa gabie dihang nadakpan ang suspek nga si Raymond Gamboa.
Ang mga nasampit pulos mga residente sa Brangay Fatima ning syudad. Nasikop ang mga nahisgutan human napalitan ug gidiling droga.
Matud ni Police Major Okorin nga ila pang ginasuta karon kung dunay kalambigitan ang tulo ka mga suspek sa mga una na nilang nasikop sa ilang Anti-Illegal Drug Operation.
Samtang ila usab nga sutaon kung silang si kinsa ang mga naggunit sa mga nahisgutan.
Base matud pa sa impormasyon nga nakaabot kanila, source sa iligal nga droga sa mga suspek ang gikan pa sa ubang lugar gawas sa Region 12.
