Pormal na nga ginturn-over kahapon nga adlaw sang Department of Health ukon DOH ang 3-storey building sang South Cotabato Provincial Hospital nga pormal naman nga ginbaton ni Governor Daisy Avance Fuentes kag Provincial Health Officer Dr. Rogelio Aturdido Jr.
Nagalab-ot sa 70 million pesos ang nasambit nga 3-storey building sang Provincial Hospital nga halin naman sa Health Facilities Enhancement Program sang DOH.
Suno kay Dr. Atrudido nagalab-ot sa 80 tubtob 100 nga mga pasyenti ang sarang nga mabutang sa apat ka mga ward sa nasambit nga building kag target nga pasudlan sa bag-o ang Disyembre 16 subong nga tuig.
Samtang sa idalom nga bahin sang bag-o nga building makit-an ang HACT Clinic, Womens and Child Protection Unit kag para sa ultra sound kag city scan.
