Davao City – Nilusad og manhunt operation ang kapulisan batok sa mga suspek sa pagpanigbas sa usa ka karpentero sa Purok Hilside, Mapantad, Brgy. Sainz, Mati City, Davao Oriental.
Sa report sa Mati City PNP, niadtong Oktobre 27, 2021 alas-8:30 PM samtang nag-ayo ra’g motor ang biktima nga si Albert P. Rabaya, 28 anyos kalit lang niabot ang tulo ka mga suspek nga giilang sila Arnold S. Paragoso, Arjun S. Paragoso ug Roger M. Paragoso nga adunay mga dalang sundang ug gitigbas ang biktima sa makadaghang higayon.
Nakahiagom og mga samad sa likod ug sa siko ang biktima ug dali kining gidala sa Davao Oriental Provincial Medical Center (DOPMC).
Sumala sa kapulisan dumot ug personal nga bangi ang motibo sa krimen.
RadyoMaN Aimee Guinita
Facebook Comments
