> LOOK! Nagkanat na dugo ug bigtas na tsinelas an nabilin sa tagkahitabuan sa pagbuno-patay sa Brgy. San Isidro, Surigao City. Tagkilaya an biktima na si Joel Babatugan, 30 anyos, residente sa amo na barangay. An suspek tagtudlo na si Vic Undangan, 27 anyos, isa ka mangingisda. Sa inisyal na imbestigasyon nan PNP ug pamahayag sa asawa na si Rhoda Babatugan, sija ug an bana na si Joel Babatugan an didto duol sa panimayay nan suspek sa Purok 2, Brgy. San Isidro. Tagtawag nan ija bana an suspek na si Undangan pero kalit ini na nangisog ug mipadayag nan mga pulong na “Unsa man moaway ka? Ayaw gara-gara may problema raba ko!” Miduol dajon si Undangan, gamit an kutsilyo an tagbuno sa makadaghan na higayon si Babatugan. Tagdaya pa nan Emergency Rescue Service si Babatugan ngadto sa Caraga Regional Hospital pero tagdeklarar na Dead on Arrival. Human sa krimen an tagdakop nan PNP an suspek na si Undangan. > > > >
