Molecular Testing Laboratory ipahimutang sa Phil.Red Cross sa mga Tourist Destinations lakip Siargao!

124

Gikatakda na butangan nan Philippine Red Cross (PRC) an mga nag unang Tourist destinations sa Pilipinas nan Molecular Testing Laboratory para mapanhingusgan an kampanya batok sa hulga nan COVID19 sanan maproteksyonan an mga residente sanan lugar na sagad kadtuan sa mga turista . Lakip sa plano na mabutangan nan molecular lab na may ekipo sa RT PCR o polymerase chain reaction an Siargao Island, Panglao,Bohol, El Nido Palawan sanan Boracay. Ini amoy bag-o na tag anunsyo sa Phil.Red Cross Chairman sanan Senador Richard Gordon. Tagbutyag isab ni Gov. Francisco Matugas na tagpahibayo na nan PRC Chairman si Cong. Bingo Matugas nan Distrito 1 sa plano na butangan an Siargao nan Molecular Testing Laboratory para matabangan an gobyerno kuman sa pag testing sa mga indibidwal para mahibaw-an sin-o an mga na-infected sa virus sanan para ini sila maisolate dajon og matabangan na madajaw. Sa pagkakuman sirado pa o tagdid-an pa gihapon na makasuyod an mga turista sa Siargao Island pero plano na ibalik an mga commercial flights pag abot sa Septembre kuman na tuig. Tagtutukan sanan tagpanhingusgan pa gihapon kuman sa kagamhanan sa Surigao del Norte na magmadaugon kontra na sa makamatay na COVID19.

Facebook Comments