Katipunan, ZDN-Mga Sundalo padayon ang paglakag sa mga Rebeldeng NPA nga naka Engkwentro didto sa Katipunan.
Padayon pa karong gilakag sa kasundalohan ang mga sakop sa Rebeldeng NPA human naka engkwentro kagahapon sa may 2:25PM kapin kun kulang didto sa may Brgy. Bulawan, lungsod sa Katipunan, ZDN.
Naka engkwentro sa Alpha Company 51st IB sa pagpangulo ni 2Lt. Cortes ang dili moubos 30 ka mga sakop sa Communist Terrorist Group-Big Beautiful Country (CTG-BBC) sa nahisgutan nga lugar.
Sa wala pa natigayon ang mao nga engkwentro, naghimo ug pagpatrolya sa nahisgutan nga barangay ang sakop sa gobyerno, didto na nahitabo ang bakbakan tali sa mga sundalo ug rebeldeng NPA human nagkabagat.
Ang mao nga engkwentro miresulta kini sa pagkamatay ni Corporal Arnold Gumisad atol sa bakbakan.
Mga tag-as nga armas ang gamit sa mga rebeldeng NPA sa dihang nakig pinusilay sa tropa sa mga sundalo
Kini ang gikumpirma ni PSSgt. Jovie Empremyado, sa katipunan MPS sa gihimong interbyu kaniya sa RMN-DXDR.
Samtang sa habig usab sa rebeldeng NPA, wala gikabutyag kun aduna ba’y samaran o namatay sa moang engkwentro
Sa karon mas gipahugtan pa sa kapulisan ang ilang paghimo ug checkpoint diha sa kadalanan
