Provincial Government sang South Cotabato magapatigayon sang one stop shop sa License to Own and Possess Firearms.

16

Magapatigayon sang duha ka adlaw nga one stop shop para sa pagproseso sang License to Own and Possess Firearms (LTOPF) sa Nobyembre 14 kag 15 subong nga tuig ang provincial government sang South Cotabato paagi sa Provincial General Services Office sa bahin sang Provincial Capitol Covered Court.
Bukas naman sa tanan ang nasambit nga aktibidad sa mga luyag makaangkon kag renew sang unlicensed firearms.
Suno kay OIC GSO Leizel Gazo sa Nobyembre 14 ang ginschedule nila para sa mga barangay officials kag iban pa nga government officials kag sa Nobyembre 15 ang akumudaron naman amo ang mga private individual.
Samtang magapatigayon man suno pa ang National Bureau of Investigation sang gun safety seminar, neuropsychiatric test kag drug test.
Pangabay naman ni Gazo sa mga interesado nga magproseso sang LTOPF nga indi taga-Koronadal ang kinahanglan magsecure na nga daan sang police clearance sa lugar kag magdala sang PSA birth certificate.
Sarang na suno pa nga makakuha sang application form sa property division sang PGSO agud nga mapanotarized na bag-o pa man ang adlaw sang aktibidad.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers