30 ka tawo ang naospital human kini nabakunahan og Dengvaxia

30 ka tawo ang naospital human kini nabakunahan og Dengvaxia
Sa milabay’ng tuig (2016), adunay nigawas nga draft committee report gikan sa House Health Committee nga adunay mga duda sa kuyaw nga epekto sa Dengvaxia—bakuna kontra dengue.
“The conflicting theories of experts on the efficacy of the dengue vaccine and the lingering uncertainty about its long term safety had caused some degree of apprehension among various sectors,” sigon sa draft committee report.
Matud sa ubang mga kongresista, hinay ang monitoring sa Department of Health (DOH) sa mga batang nabakunahan.
Naa sa lista sa DOH nga halos 1,000 ka kaso ang adunay adverse effects kun nasakit human kini mabakunahan kung diin 30 ang kinahanglang maospital.
“DOH reported that there were 997 reported cases between March 18 to August 20, 2016, thirty (30) of which were considered as serious cases that needed hospitalization.”
Upat pud ang nalistang kaso sa pagkamatay human sila gibakunahan; hinuon aduna pay debate nga pagahimoon kung aduna ba gyud niy kalabutan sa immunization program.
Kauban sa mga rekomendasyon sa draft committee report ang pagpahunong sa programang bakuna hangtud wala pay kasulbaran ang mga isyung nigawas sa hearing.
Kamara, i-reopen og balik ang imbestigasyon
Gi-reopen pagbalik sa ubang mambabatas ang imbestigasyon sa Kamara alang sa bakunang Dengvaxia, karon nga nabuking na kini nga adunay problema.
Matud pa ni House Committee on Good Government and Public Accountability chair Rep. Johnny Pimentel, ilang paminawon ang isyu karong adlawa.
“We are reopening the case [be]cause of recent developments. We will have a hearing on December 13,” matod pa niya.
Gusto pud sa ubang kongresista nga adunay class suit para sa mga dapat manubag aning isyuha.
Pero bisan pa man og wala pay kalambuan ang hearing, aduna nay mga hungihong ang grupo sa niaging administrasyon.
“The anti-dengue vaccine Dengvaxia must be immunized from politics,” matud pa ni lbay Representative Edcel Lagman.
“Ano ba gubyerno natin, namamahala o engaged sa isang boxing match laban sa dating administration?” matud sab ni Caloocan Rep. Edgar Erice.
Reports courtesy from RG Cruz of ABS-CBN News—news.abs-cbn.com
Photo Credit: news.abs-cbn.com