Barangay Kapitan sa Brgy. Rizal, Surigao City tagpusil sa riding in tandem Tagpusil sa riding in tandem an Brgy. Kapitan sa Brgy. Rizal, Surigao City mga alas 9:30 sa buntag kaganina. Tagkilaya an biktima na si Severo Del Rosario, 45 anyos, minyo, residente sa amo na brgy. Sa inisyal na imbestigasyon nan PNP, an Brgy. Kapitan an nagsakay nan ija motorsiklo gikan sa Surigao City proper ug pauli na sa ila panimayay. Pag-abot sa may Kinabutan 2, Brgy. Rizal, may tuyo ka suspek na nagsakay nan motorsiklo na mipusil kan Del Rosario na naigo sa waya na bahin sa abaga. Human sa krimen an miikyas dajon an mga suspek samtang si Kapitan an tagdali pagdaya sa isa ka pribadong hospital na kasamtangang tagtambayan. Nakuha gikan sa tagkahitabuan an isa ka basyo sa bala na tagtuohang gikan sa calibre .45 . Sa amo na panghitabo, namahayag si Surigao City Mayor Ernesto Matugas sa pagkadismaya insidente ugani plano matud pa na mohanjag nan Reward kon sin-o an makatudlo sa suspek o mastermind sa pagpusil kan Del Rosario.
