Gitugutan sa dakbayan sa Malaybalay ang 30% kapasidad sa mga mubisita sa ilang mga mahal sa kinabuhi nga mitaliwan sa laing kalibutan ngadto sa mga pampubliko ug pampribadong sementeryo sa dili pa muabot ang Oktubre 29 ning bulana.
Kini ang usa sa gihisgutan sa gipahigayong Weekly Regular Session sa lokal nga pangagamhanan sa Malaybalay adtong milabayng Martes.
Gipanghingusgan sa dakbayan sa Malaybalay nga pasirad-an ang mga pampubliko ug pampribadong sementeryo gikan Oktubre 29 hangtud Nobyembre 2 sunod bulan.
Kini nga lakang pag-alayon sa gipagawas nga ehekutibong kamanduan sa probinsyal nga pangamhanan sa Bukidnon kabahin sa pagpasirado sa mga sementeryo.
Apan hugot nga gipahimangnuan ang katawhan nga magpabilin sa pagsunod sa mga minimum health standards nga gitalaga sa Inter-Agency Task Force (IATF) ilabi na katong mubisita sa mga sementeryo sa dili pa ang pagpasirado niini.
