General Santos City—mukabat sa 35 ka pamilya sa Barangay Landan, Polomolok nga apektado sa baha inaging tuig ang gitakda irecolate sa Provincial Government sa South Cotabato.
Gikumperma mismo ni Provincial Disaster Risk Reduction Management Officer (PDRRMO) Mila Lorca ang pag-aproba sa Provincial Government sa South Cotabato sa pagpanguna ni Governor Daisy Avance Fuentes sa relocation site alang ngadto sa mga nahisgutan.
Mukabat ngadto sa P1.2 million ang pondo na gigahin sa Provincial Government alang sa palitong luna alang sa recolation site.
Kalabutan niini , gibutyag sa opisyal nga maghimo na ug Geohazard assessment ang mines and Geoscience Bureau (MGB) Regional Office-12 aron masiguro nga luwas ang balhinang lugar sa mga apektadong pamilya.
Samtang nagpahigayon usab ug profiling ang PDRRMO ngadto sa makaavail sa relocation site . Gipaniguro usab ni Lorca nga sa dili madugay hingpit nang makabalhin ang mga nahisgutan ngadto sa gigahin nga relocation site sa probisnya sa South Cotabato alang kanila.
