Sumala sa report, mikabat sa 45 ka operasyon ang gipahigayon sa nagkalain-laing lugar sa rehiyon isip kabahin sa padayon nga paningkamot sa kapulisan sa pagsiguro sa kalinaw ug kahusay atol sa semana nga puno sa relihiyosong aktibidad.
Sa maong operasyon, nadakpan ang kinatibuk-ang 30 ka Most Wanted Persons, lakip ang 10 sa regional level, 10 sa provincial ug city level, ug laing 10 sa municipal ug station level. Dugang pa niini, 15 usab ka ubang wanted persons ang nasikop pinaagi sa nagkahiusang aksyon sa kapulisan ug mga kaubang ahensya sa gobyerno.
Nagpamatuod kini nga bisan magud pa nga dagsa ang mga deboto ug biyahero atol sa Semana Santa, nagpabiling alerto ang kapulisan aron maseguro ang kaluwasan sa publiko ug mapadayon ang malinawon nga kahimtang sa tibuok rehiyon.
RadyoMaN Kareen Beltran