General Santos City–Mukabat sa 300 ka mga tawo ang nasampolang nadakpan sa gipahigayong joint Operation Onetime Bigtime, Oplan Mapayapang Sambayanan uban ang PNP ug ubang ahensya sa gobyerno. Nasayran nga kapin 200 ka mga pulis ang gipakatag sa diin uban kanila ang mipahigayon ug check point sa kadalanan samtang ang uban ang nag pahigayon ug foot patrol.
Sa maong operasyon lakip gipangdakop ang mga nagmaneho ug sakyanan nga hubog.
Sumala ni psupt maximo Sebastian- kansa maoy nanguta sa operasyon ilang gipatuman ang kasamtangang mga balud ug mga ordinansa sa syudad sama sa bawal nga pagpanigarilyo sa mga pampublikong lugar, pag-inom sa kadalanan ug ang mga nagmaneho nga walay mga nagkaigong dokumento sa sakyanan.
Kalabot niini 60 ka mga menor de edad usab ang narescue sa kapulisan uban ang CWDO nga kabahin sa mga operasyon..
Sumala ni Vicky Magante- labaw sa CSWDO Gensan, base sa lokal nga ordinansa, dapat wala na sa gawas sa panimalay ang mga menor de edad alas 10:00 sa gabii hangtud alas 4:00 sa sayong kabuntagon.
Nasayran nga ang “Oplan Mapayapang Sambanayan”, sa Gensan unang gipatuman apan sumala ni Col. Sebastian ipatuman usab kini sa ubang mga lugar sa Rehiyon 12. (Jordan Britos)
