General Santos City—nagtigom ang kapin sa 300 ka mga drug surfacing personality sa lungsod sa Malapatan, Sarangani Province kagahapong adlawa.
Ang maong aktibidad inisyatibo sa kapulisan sa lungsod uban ang lokal nga panggamhanan ug uban pang ahensya sa gobyerno nga involved sa pagtutok niining mga personaheng nahimong drug dependent.
Atol sa maong panagtigum, nagpahigayon ug drug testing ngadto sa mga nahisgutan, tumong aron sutaon kung tinuoray nga nagbag-o sa ilang kinabuhi ang mga nasangpit pinaagi sa pag-undang sa paggamitan ug iligal nga droga.
Kung aduna pay magpositibo sa droga, ipadayon gihapong sa panggamhanan sa lungsod sa Malapatan ang mga programa nga makatabang sa mga nasangpit aron nga hingpit nilang mabyaan ang droga.
Facebook Comments
