GENERAL SANTOS CITY- Libuan ka mga board feet sa ginabas nga kahoy gikarga og Elf Truck ang gi-hold sa kapulisan sa Calumpang sayo sa buntag alas-3 ang takna.
Sumala ni Police Chief Inspector Basher Alindo, Chief Of Police sa Police Station 5 nga una na silang nakadawat ug report nga dunay ipalusot nga mga ginabas nga kahoy nga muagi sa ilang AOR.
Tungod niini gisuta dayon sa kapulisan ang report ug didto nakaplagan ang usa ka Isuzu Elf Truck nga dunay plate number LBV-970 nga puno ug ginabas nga kahoy nga gibana-banaang 3,000 Board feet.
Samtang apil nga gi-hold ang driver sa maong sakyanan nga si Dante Labios, 39 anyos nga taga Barangay Calumpang ug helper niini nga si Hoover Von Jason Roquero.
Gituohan nga giagi sa dagat ang maong mga kahoy samtang gituohan usab nga gikan sa Sarangani o dili ba kaha sa Sultan kudarat ang maong mga kahoy.
For more info’s and updates, like and share our official facebook account : www.facebook.com/ifm91.9Gensanofficial/
