Davao City – Gi-awhag karon sa Department of the Interior and Local Government kun DILG XI ang mga nangita og trabaho nga mangapply isip contact tracers sa COVID-19.
Sa pakighinabi sa DXDC RMN Davao kang DILG XI regional director Alex Roldan, gibutyag niini nga kapin 3,000 ang gikinahanglan nga contact tracers dinhi sa rehiyon XI.
“Sa latest assessment, ang DILG region XI pwede mu-hire og 3000 sa ginatawag nga contact tracers… dapat minimum college degree… dili kinahanglan ang civil service eligibility,” segun ni Roldan.
Matud sa regional director nga urgent ang maong nahisgutan.
Alang sa mga interesado, pwede muduol sa DILG provincial office ug andamon ang Documentary Requirements:
1. Letter of Intent
2. Personal Data Sheet
3. NBI Clearance
4. Drug Test Result
Matud pa usa kini ka Contract of Service nga dunay monthly salary nga SG-9/ PHP 18, 784.00 diin sulod lang sa 3-4 ka bulan ang gitas-on sa engagement niini.
RadyoMaN Renz Barbarona
