General Santos City–Mukabat ngadto sa 300 mil ka pesos ang gibana-banaang danyos sa nahitabong sunog sa panimlay sa usa ka Guillermo enriquez hamtung ang panuigon nga nanimuyo sa Prk. 11-A , block 1, Barangay Fatima Gensan, alas 9 :00 pasado ang takna sa kagahapong adlawa.
Sumala pa ni Sfo3 Allan Rey Emperio ang Chief Investigator sa Bureau Of Fire Protection Gensan nga nagsugod matud pa ang sunog sa usa ka kwarto sa maong balay kung asa natulog ang biktima nga si Maria Aida Enriquez, 81 anyos nga naka angkon ug third degree burn sa iyahang kalawasan nga anaa karon sa usa ka pribadong balay tambalanan ning syduad.
Dugang pa ni Emperio nga nakamatikod matud pa ang nasangpit nga ginang nga nagaspark na ang mga wire sa ilahang panimalay hinungdan nga gilayong mitindog ug niadto sa planka aron palungon apan wala na niya kini nabuhat human nga misilaub na ang kalayo.
Sa karon padayon pang ginaimbistigahan sa BFP Gensan kung unsa gayod ang hinungdan sa pag-ulbo sa kalayo. (Dave Silagan)
