DOH – Nagdangat na sa 303 ka tawo ang napatay bangud sang HIV-AIDS sa rehiyon.
Ini nga data nagasakop sang January 1986-February 2019.
Masobra sa katunga ukon 177 ka nagkalamatay narecord sa mga tuig 2016-2019.
Suno kay Christine Mosqueda, Regional STI (Sexually Transmitted Infection) nurse coordinator sang DOH 6, ini nga numero posible mas manubo sang matuod nga kadamuon bangud may iban nga kaso nga wala nareport ukon narecord sang DOH.
Kadungan sini, magahiwat ang DOH 6 sang candle light memorial sa Mayo 19 agud dumdumon ang mga nagtaliwan bangud sang HIV-AIDS.
Pangunahan sang mga madre sang St. Vincent Ferrer seminary ang candle light nga magasugod ala 6 sang gab-i.
Ang tema subong nga candle light memorial amo ang “Intensifying the fight for Health and Right.”
Nahibaluan nga diri sa rehiyon may tatlo ka HIV cases nga nadiagnose kada adlaw.
Photo from web
