Indi mag-untat ang pamunuan sang Department of Education ukon Dep. Ed. 12 sa pag-improve pa gid sang performance sang mga athletes kag coaches bisan nga nag-improved na sa bag-o lang natapos nga Palarong Pambansa tungod nangin rank 4 subong nga tuig kumparar sang nagligad nga tuig nga rank 7.ini ang nangin pamahayag ni Dr. Allan Farnazo, Regional Director sang Department of Education Region 12.
Base sa resulta nakakuha sang 26 ka bulawan nga medalya, 43 ka silver kag 40 ka bronze ang rehiyon sa bag-o lang natapos nga Palarong Pambansa sa bahin sang Davao City.
Ginpahayag man sini nga 15 ka bulawan nga medalya nga nakuha ang ginhatag sang Tacurong City Division sa patag sang arnis.
Suno sa iya kon ano man ang ila nga natun-an kag leksyon nga nakuha sa bag-o lang natapos nga Palarong Pambansa ang mangin basehan nila sa pag-improve sa performance sang mga athletes kag coaches.
Ginkumpirmar man ni Dr. Farnazo nga bag-o pa man nagpauli ang delegasyon ginrelease na sang iya pamunuan ang insentibo sa mga athletes kag coaches.
Ginpasalamatan niya man ang tanan nga nagsuporta sa kadalag-an sang rehiyon dose sa bag-o lang natapos nga Palarong Pambansa.
