General Santos City—Patay nang nakaplagan ang usa ka 31 anyos nga lalaki sulod mismo sa lawak sa girentahan niining balay sa may Block 9, Purok Malakas, Sarangani Homes Phase 1, Barangay San Isidro, Gensan.
Biktima giilang si Adrian Suralta Celeste, 31, lumad nga taga Barangay Cogon, Digos City ug kasamtangang nagpuyo sa Sarangani Phase 1, Barangay San Isidro, Gensan.
Pahayag sa kapuyo sa biktima nga si Grace Oporto, 25 anyos nga adlawng Domingo miuli ang nasangpit didto sa Digos alang sa reunion sa iyang pamilya. Sa samang adlaw mibalik ang nasangpit dinhi sa Gensan, didto na mireklamo ang nahisgutan nga naglain ang iyang lawas.
Giawhag kini ni Grace nga mag paycheck-up apan nag dumili ang nahisgutan tungod sumala pa siya maulian ra higayon nga makapahulay.
Kagahapong adlawa Lunes dihang gibyaan ni Grace si Adrian tungod siya nitrabaho, pila ka higayon matud pa niini nga gitawagan ang nahisgutan apan wala gatubag sa iyang cellphone.
Pag uli niini sa ilang girentahang balay didto na niini nasuta nga patay na ang iyang kapuyo. Sa pag imbistiga sa kapulisan, wala may nakit-ang timailhan nga gituyo ug patay ang biktima, sanglit daw sama ra nga natulog ang nahigustan sa ilang katre.
Tungod niini posibling balatian ang gituohan sa kapulisan nga gikamatyan sa nasangpit nga biktima.
