Tulo ka samad pinusilan ang naangkon sa usa ka lalaki human kini gipusil sa amahan sa iyang uyab nga gipamabdosan kauban ang usa pa ka suspetsado alas 11 kapin kun kulang ang takna sa gabie niadtong Sabado sa may La Purisima Baraas sakop sa Brgy. Tubod ning syudad sa Iligan.
Biktima nailang si Ramil Dayanan 31 anyos ug dunay kalive-in, nga buros usab ug molupyo sa maong dapit.
Samtang ang suspek nailang si Erlito Labasano ang amahan sa gipaburosan sa maong biktima usa ka negosyante nga molupyo usab sa Purok Bautista, Tubod ning syudad sa Iligan.
Matud pa, anang gabi-ona, mituktok sa pultahan ang suspetsado kauban ang usa pa ka kauban niini, ug dayong pusil sa biktima.
Biktima nakabaton kini tulo ka samad pinusilan sa iyang lawas ug usa niini, miigo sa pribadong parte sa lawas niini.
Nakuha sa crime scene, ang lima ka basiyo sa .45 nga pistola nga maoy gigamit sa mga suspetsado.
Ang mga suspek daling misibat sa wala matinong direksyon samtang ang kauban niini ang wala maila gumikan kay nakasuot kini ug bonnet.
Gidala na sa usa sa ospital sa Cagayan de Oro ang nasangpit nga biktima.
