Mokabat sa 31 ka mga kanhi rebelde ang gihatagan og tabang pinansyal sa gobyerno pinaagi sa Enhanced Comprehensive Local Integration Program o E-CLIP.
Matud sa 4th ID nga gitunol sa E-CLIP Committee sa Region 10 ang 65-mil pesos nga tseke isip livelihood ug dinaliang tabang alang sa mga kanhi rebelde.
Mitambongan sa seremonya niadtong Miyerkules sa hapon silang Provincial Legal Officer Atty. Niel Pacana, isip representante ni E-CLIP committee chair Misamis Oriental Governor Yevgeny Vicente Emano, 4th ID Commander, Brigadier General Franco Nemesio M Gacal nga maoy nagrepresenta ni Task Force Balik-Loob Chairperson, Under Secretary Reynaldo Mapagu uban ni 403rd Brigade Commander Colonel Edgardo De Leon ug mga partner agencies gikan sa Task Force- Balik-Loob diin lakip niini ang DSWD, DOLE, LBP, DTI ug PNP.
Nasayran usab nga sa halos duha ka bulan gikan sa bulan sa Enero ning tuiga hangtud karon, 23 na ka kanhi rebelde ang nisurrender ubos sa 4th Infantry Division.
Sa karon giproseso pa ang ilang mga benepisyo ubos sa E-CLIP.
Alayon niini, giaghat ni 403rd Brigade Commander, Colonel De Leon ang mga miyembro sa New Peoples Army nga pahimuslan ang E-CLIP kay dili kini permanente.
